काठमाडौँ । नेपाल राष्ट्र बैंकले आज बैंकिङ प्रणालीमा भएको १ खर्ब रुपैयाँ तान्ने भएको छ । प्रणालीमा अत्यधिक निक्षेप भएको र कर्जाको माग सुस्त भएपछि राष्ट्र बैंकले लगातार बजारको पैसा खिचिरहेको छ ।
गएको बिहीबार मात्रै राष्ट्र बैंकले ४० अर्ब रुपैयाँ खिचेको थियो । निक्षेप संकलनको उपकरण प्रयोग गरेर बोलकबोलमार्फत आज फेरि केन्द्रीय बैंकले १ खर्ब रुपैयाँ तान्न लागेको हो । यसमा बैंक तथा वित्तीय संस्थाले घटीमा १० करोड रुपैयाँ राख्न सक्नेछन् । यो रकमको साँवा तथा ब्याज भुक्तानी असोज २० गते गर्ने राष्ट्र बैंकले जनाएको छ ।
यसमा वित्तीय संस्थाले आफूले राख्न चाहेको पैसा र ब्याजदरसमेत उल्लेख गर्नुपर्नेछ । बोलकबोलमा क, ख र ग वर्गका बैंक तथा वित्तीय संस्था सहभागी हुन पाउनेछन् ।