काठमाडौँ । हाथवे इन्भेष्टमेन्ट नेपाल लिमिटेडले गत आर्थिक वर्ष २०८०–८१ को नाफाबाट १० प्रतिशत बोनस सेयर दिने भएको छ । सञ्चालक समिति बैठकले गत आवको नाफाबाट १० प्रतिशत बोनस सेयर र कर प्रयोजनका लागि ०.५२६ प्रतिशत नगद लाभांश दिने निर्णय गरेको हो ।
सञ्चालक समितिको घोषणा अब बस्ने साधारण सभाले स्वीकृत गरेपछि सेयरधनीले पाउनेछन् । कम्पनीले बुक क्लोजको मिति तय गरेको छैन ।कम्पनीले अघिल्लो वर्ष पनि १० प्रतिशत बोनस सेयर र ०.५२६ प्रतिशत कर प्रयोजनका लागि नगद लाभांश दिएको थियो ।